Awe mainta Corte di Prome Instancia lo trata un caso sumario cu e compania Dontom Horeca N.V., representa door di abogado mr. Doris Canwood a entama contra e compania Navarra Properties N.V., representa pa abogado y alabes director di e compania, mr. Rick Samuels. Partidonan ta batayando pa algun aña caba den corte pa motibo cu un grupo di inversionista Mericano a cumpra e propiedad cu plan pa desaroya un proyecto di condominio na e sitio conoci como Surfside Beach, pero un di e huurdonan ta strobando e proceso. A bay corte algun biaha caba, pero keto bay partidonan ta leu for di otro.
Reflexions Beach Club ta cera pa algun dia caba debi cu a kita su conexion di coriente, awa y acceso na pos. E no ta huur parti di e edificio mas, sino ta insisti cu e ta huur tereno den forma di precario di Gobierno di Aruba via DIP. Pero DIP ta insisti cu nan no a huur e persona ningun tereno. Di otro banda, e debe e compania doño di e edificio un suma cuantioso cu no a paga. En corto, e doño di e edificio kier pa e bay di eynan pa e por desaroya su proyecto. Pa e articulo completo, lesa e edicion di TREMPAN di awe.
