Centro Juve di Corsou ta na Aruba riba invitacion di club Nacional pa haci e National Invitation. Henter weekend Corsou ta enfrenta Aruba den diferente categoria.
Centro Juve ta existi pa tres aña na Corsou, asina Raoul van den Stoom, miembro di directiva dje club, a indica. Riba nan veld nan ta train mas o menos dos shen hoben y e biaha aki ta aki pa hunga e wega nacional. A bin cu 52 mucha den e categorianan di U6 te U13.
Nan ta aki pa cinco dia y awe mainta a cuminsa cu un training. Pa loke ta e weganan mes, esey ta cuminsa awe pa 3:00 pm pero tambe nan ta hunga henter e weekend aki. Ta invita henter pueblo di Aruba y yiu di Corsou cu ta biba aki pa yega na stadion Frans Figaroa pa mira e weganan amistoso.
