Segun resumen di awe 54 persona a recupera, a registra un total di 72 caso nobo di COVID-19, di cual 9 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 879 test. E ‘Postivity rate’ entre residentenan ta 26%. Casonan activo pa awe ta 677, cantidad di fayecido relaciona cu Covid-19 ta 82.
Hospital ta informa cu tin un total di 40 persona interna di cual 13 ta den Cuido Intensivo y 27 riba unidad general di COVID.
E situacion ta keda preocupante pasobra e Positivity Rate ta hopi halto. E averahe pa dia di siman pasa cu tabata 50 a subi pa rond di 60. E balans entre caso nobo y esnan recupera ta un poco menos cu 20. A keda constata door di autoridadnan concerni cu tin hopi caso di contagion bou di e grupo di 60 aña y muchanan cu ta bay scol. Esaki ta motibo cu gobierno a dicidi di cera e scolnan, o sea alarga e vakantie di Pasco Grandi.
