E proyecto pa uza Instituto Medico San Nicolas como un hospital chikito ta bira realidad entrante prome di april awo. Cu cooperacion di minister di salud publico, a logra haya 22 caba pa pashentnan di estadia cortico.
A combersa cu dr. Joel Ranjherc, kende a splica nan ta masha gradici na minister Oduber, kende a yuda cu financiamento pa e proyecto aki. A crea espacio pa 22 cama pa atende cu pashentnan cu ta haci intervencionnan chikito cu un tempo cortico den cual nan ta keda interna.
E ceremonia lo ta den un forma hopi chikito, riba e fecha menciona, debi na e pandemia y reglanan di DVG. Pero si e ta cuminsa opera riba e fecha ey, no ta conoci ainda. E ampliacion di e facilidad aki tabata necesario no solamente pa San Nicolas, pero tambe ta yuda pa finalisa renobacion di dr. Horacio Oduber Hospital (HOH).
