Biento duro cu mal tempo a causa destruccion na edificio di Departamento di Integracion, Maneho y Admision di Stranhero den Paardenbaaistraat. Ta e gipsboard a bin abou cual ta pega parti dilanti di e dak. A nota cu lama tambe a daña y bira bruto cu te hasta algun piscado a regresa tera.
Segun cu por nota riba radar di tempo, ta cu e mal tempo ta bin for di zuid. Probablemente diamars nochi mescos cu e ultimo dianan aki, lo bolbe yobe. Hopi biaha ora awasero bin asina, mesora ta mira cu lama ta daña un rato y biento hopi fuerte ta compaña e comienso di e yobida. E biento aki ta esun cu a causa e daño.
