Miembro di parlamento, dr. Rycond Santos do Nascimento di e fraccion di AVP awe a manda pregunta na Minister Presidente, relaciona cu formacion di su gobierno. E parlamentario kier haya aclariacion riba un lista di asuntonan cu e ta considera posibel conflicto di interes den nombracion di Endy Croes como Minister di Enseñansa y Deporte. E enfoke ta riba e caso civil cu Endy Croes tin contra e compania Ernst & Young y Fundacion Lotto pa Deporte, den cual e ta demanda nan pa mas di 3 miyon florin!
E parlamentario no por caba di compronde, con minister-president ta maneha e tema di conflicto di interes, den cuadro di formacion di Gabinete Wever-Croes II. El a duna ehempel di con a forsa altocomisario Vannes Tjon-Kock pa tuma retiro of distancia di su puesto pa evita conflicto di interes, mientras di otro banda ta permiti pa Endy Croes bira minister siendo e tin un interes financiero personal den Lotto. E parlamentario kier sa cu ki midi Prome Minister ta midiendo den su formacion, pasobra e no ta cuadra.
Loading…
Reload document 
Open in new tab 
