Nico Vredeveld tabata tin un cita na DIMAS pa su señora pa luna di october y normalmente como cliente, e ta haya un email bek c’un number di confirmacion di su cita.
Den caso di Vredeveld e no a haya niun email y via telefon ta imposibel pa haya un persona di DIMAS pa haya cualkier informacion. El a dicidi di bay DIMAS personalmente, pa puntra pa ki dia su cita ta na october y number di confirmacion. No por traha niun cita nobo, te ora cu e cita a pasa y despues di esey mester warda atrobe pa tres luna.
Pero apenas el a yega na e porta, cu ya security ta par’e y no kier atende cu ne. El a puntra security pa su nomber, cual tambe el a nenga di suministra. Esey a pone cu el a yama polis pa DIMAS.
Unico cos cu e kier sa ta ki dia su cita ta y number di confirmacion di su cita. Si e no tin e informacion aki, e no por bin na su cita. Kico ta pasa, cu su cita ta caduca y e lo mester bolbe warda tres luna atrobe pa haya un otro cita. Pero mientras tanto, el a perde un otro tres luna.
Vredeveld a sigui bisa cu recien nan a muda pa Aruba, pa cual un permiso di estadia. El a pidi esaki caba pa su mes y awo e ta pidi un permiso pa su señora. Tambe el a denuncia cu na DIMAS, cu na entrada mester yena un formulario, cu ta na Spaño, cual caba ta algo cu no ta cuadra. No ta tur hende ta compronde Spaño, su persona ta compronde varios idioma, menos Spaño.
Varios biaha caba, segun Vredeveld el a ripara con e clientenan di DIMAS ta Sali tur disgusta pero no ta haci nada. Kisas hopi di nan no por yama polis of no ta durf di yama polis.
Unico cos cu e mester ta sa fecha di su cita cu DIMAS pa su señora, ki ora y e fecha di confirmacion di su cita. Ta cuestion di dos minuut pa check den sistema y dun’e informacion, nada mas.
