Awe un jumbo jet Boeing 747-300 a baha na nos aeropuerto. E avion aki ta un Boeing di dos piso. E avion aki no a bin cu pasahero, sino cu carga. Ta trata di e avion di EMTRASUR Cargo.
E avion aki ta bandera cu Venezuela. Realidad ta cu e avion aki a bin di Paraguay carga cu sigaria di un compania Freezone na Aruba. E compania aki ta sigui doorvoert, esta di aki e ta bay pa Santo Domingo. E pregunta cu ta bin dicon a bin cu nan den avion y no barco.
A baha e avion aki na Aruba cu tin un cargamento di sigaria asina grandi, kiermen ta hopi placa ta papia di dje. GenAir tabata encarga dje avion aki y a baha e carga. Esaki ta un tiki negoshi pa Aruba, pasobra ta baha carga, si ta sigui pa otro destinacion y e carga a keda abordo no por bisa. Tambe no por bisa si mester a laga duana declara esaki, paga su dos porcentahe y sigui su caminda.
Ta trata di un carga grandi di sigaria cu a sali di Paraguay, pasa via Aruba y asina pa termina na Republica Dominicana.
