Algo prome cu 7or diadomingo anochi, patruya di trafico a ser dirigi riba e caminda di Paradera banda di Shiribana Restaurant ta situa. Melding tabata cu un auto a dal un persona. Na yegada di patruya a topa cu e auto cu a dal e persona. Polis a bay atende cu e manehador di e Honda Civic numera A-14449. El a conta polis cu e tabata bayendo direccion ariba y diripente un homber a crusa su dilanti. El a purba evita pa no dale pero pasobra cu e caminda ta muha e no por a evita e accidente. E peaton a ricibi slanan minimo na curpa. Ambulance a presenta pa asina atende cu e herido eynan mes. Despues e por a sigui su camina pa cas.
