Dirigentenan di SV La Fama tabata sorprendi pa mira con un persona a dicidi di vandalisa nan veld. E chauffeur di un auto Hyundai preto numera A-66700 a dicidi di haci fever riba veld di La Fama. Esaki ta algo cu no a cay den bon tera cerca e dirigente- y miembronan di La Fama.
Consecuentemente esaki ta stroba e muchanan di train, pero tambe mester bay drecha e veld bek. Pa por mantene e veld unda e muchanan por train no ta facil.
E dirigentenan di La Fama ta purba di traha cu sponsor, ta haci fundraising pa yega na un luga cu e muchanan por train. No ta facil pa yega na y mantene un veld, pero pa mira cu hende ta yega distrui veld ta algo cu ta perhudica e muchanan.
Dirigente di La Fama ta bay entrega keho na polis riba e incidente aki. Tambe e dirigentenan kier sa ken ta esun cu a haci esaki, pasobra e mester para reesonsabel pa loke el a haci.