Un accidente basta fuerte a keda registra den Caya Betico Croes diabierna mainta. E tabata net algo pasa di 6or. Dos auto a dal. Un Mitsubishi SUV y tambe un Nissan Sentra. E Nissan a haya kibra hopi dilanti y e Mitsubishi a haya basta sla parti patras banda di pasahero.
E ranca e wiel completo. Pa motibo di e impacto e caminda pa trafico a bira no usable. A cera caminda y desvia trafico pa otro direccion. Un persona den e Nissan a keda herida levemente.
E Nissan a pega candela tambe despues di e impacto. Bomberonan a yega mesora na e sitio pa atende cu e candela. A domina tur cos. Finalmente takelwagen a hala ambos auto for di caminda. Asina pa 7or tur cos a normalisa la trafico pisa di esnan bayendo scol of trabou por a sigui normal.