Riba e website di Tourism Product Enhancement Fund (TPEF) por mira tur proyecto cu tin entre otro e mantencion di loke t’e areanan turistico/publico. Ta papia di dies area y den cambio di aña por a mira un aumento grandi pa loke ta sushedad.
Minister di Salud y Turismo, Dangui Oduber, a splica cu e ploegnan di TPEF cu ta mantene e area di costa (coastline) limpi, cual ta nan tarea principal, e aumento di cantidad di sushi lo por a experencia, a debi n’e echo cu nos ta den pleno high season y e cantidad di bishitante a aumenta e ultimo luna y mey di aña, posiblemente esey por tabata e causa cu lo a nota mas sushi den e areanan aki.
DOW ta controla regularmente e trabaonan di tur e dies ploegnan aki, pa wak si nan ta cumpli segun nan contract di e trabaonan cu tin cu haci, p’asina tin compliance tambe di cada un di e ploegleidernan cu tin un team, pa cumpli cu nan tarea stipula den nan contract pa tene nan area asigna limpi.
EXPANSION
E minister a sigui bisa cu semper e intencion tabata pa tin mas ploeg, pasobra tin diferente area n’e costanan cu no ta cubri manera cu ta desea. Kier presenta un bon producto n’e turistanan, un producto limpi. Kier tin un producto no solamente p’e turistanan pero tambe p’e propio habitantenan. Tin diferente area cu ta desea di cubri, pero door cu ta limita na fondo, no por expande e cantidad di ploeg manera cu gobierno ta desea.
