E problema cu e planta di purificacion di awa na Bubali Plas, ta algo cu ta data di mas di 30 aña pasa.
Tabata na 1991 cu Raymond Maduro di Sun Development a acerca Gobierno di Aruba c’un plan magno pa bin c’un 18-hole Golf Course na Malmok. E plan presenta na Goierno ta cu Tierra del Sol NV lo bin crea un ‘master plant community c’un golf course, cual lo mester di awa pa iriga e cancha di golf riba base diario. Milton Ponson, Presidente di Rainbow Warriors International, a splica cu e idea tabata cu lo a uza awa filtra di e planta di purificacion na Bubali pa haya den careda di dos mil pa dos mil cincoshen cube di awa pa dia. Obviamente, lo mester a evalua si e planta ta capacita pa produci tanto awa y si e awa produci ta na e nivel filtra na e standardnan international di salubridad cu lo no tin consecuencia esunnan cu ta bay hunga golf.
E tempo ey, cu Stinapa y StimAruba a haya sa di esaki, cu lo desvia e awa for di e planta, a bin hala atencion di GObierno cu e area ey ta un area proteha, decreta pa Gobierno Insular na 1972, tempo di Antias y notifica na Gobierno di Antias di esaki, cu Bubali PLas lo bira un area di proteccion di Naturalesa. E plas di awa ta crea for di 1950, unda cu antes tabata djis bin basha awa ey tras y asina Bubali Plas a wordo crea.
