Un scenario basta serio a bin topa cu ne riba caminda grandi di Savaneta, ora dos vehiculo a dal den ortro. Un di e vehiculonan tabata gekenter den su banda.
E accidente aki a tuma luga den careda di 2:30 pm entre un Jeep SUV y un Kia Rio caminda cu e Jeep lo a bolter bay para na band’i caminda. Afortunadamente no tabatin hende herida di gravedad.
E chauffeur di e Jeep a indica cu e no tabatin mester di atencion di ambulance mientras cu e otro chauffeur si a pidi pa atencion di ambulance na e sitio. Trafico a stagna automaticamente riba e caminda ey, a desvia e trafico patras di La Granja y asina purba traha mas sigur y lihe cu ta posibel pa habri caminda bek.
