Na ocaccion di lansamento di e campaña riba Siguridad di Cuminda, riba Dia di Tera na Departamento di Agricultura, Cria y Pesca Santa Rosa,a duna reconociemnto na Departamento di Economia cu a traha duro riba e idea y proyecto di campaña y realisacion.
Semper na momento cu Santa Rosa aserca Departamento di Economia pa idea y sosten semper nan ta para cla pa yuda den tur forma cu esaki por. Semper e laso a funciona excelente pa cualkier situacion of idea cu presenta y/of conseho. Semper Departamento di Economia ta kere fervientemente den Sector Primario di Aruba.
Riba e tardi di lansamento di e campaña a invita Zulema Dabian-Erasmus, Judella Trim, Louella Croes-Ras y director di Departamento y Economia Maria Dijkhoff-Pita pa ta presente na e ocacin special aki. Como sorpresa Nathalie Maduro director di Departamento di Agricultura,Cria y Pesca Santa Rosa den presencia di Ursell Arends minister di Transporte, Integridad, Naturalesa y Asutonan di Adulto Mayor a hasi entrega di e reconocimento aki.
Presente tabata Zulema Dabian-Erasmus y Judella Trim cu a ricibi nan roconocimento como “Amiga di Santa Rosa” for di minister Arends. Debi na otro compromiso Louella Croes-Ras y director Maria-Dijkhoff-Pita no por tabata presente. Pero esaki no a kita cu nan reconocimento a wordo entrega personalmente na nan oficina. Nathalie Maduro director di Departamento di Agricucltura, Cria y Pesca a percura pa esaki.
Un ocacion special di agradicimento na Maria Dijkhof- Pita cu a ricibi su plakaat di reconocimento y Louella Croes-Ras a ricibi su reconocimento di “Amiga di Santa Rosa” pa nan excelente trabou desplega. Sigur tambe pa e idea y ayudo pa realisacion di e campaña aki di “Siguridad di Cuminda”
Palabra di gratitud y felicitacion na e cuater damanan aki cu semper a para cla pa coopera cu Santa Rosa y duna tur sosten nesecario. Nos ta spera di por sigui conta cu e mesun excelente cooperacion pa proyectonan nos dilanti.
