Awe marduga pa mas pa menos 1:50am a sosode un atraco arma na cas di famia Ras-Orman situa na Orinocostraat # 4. Ey e victima a declara na Polis cu el a topa cu un hende homber bisti full na preto den su cas. E sospechoso tabata cu su cara tapa y den su man e tabatin un cuchiu. E atracado a exigi’e placa y e victima a hay’e obliga pa dune tur placa cu e tabatin den su cartera na e momento ey, cu tabata mas o menos 250 florin.
E patruya di Polis na e sitio a envolvi recherchenan di Atraco Team cu a presenta tambe na e sitio pa por tuma e investigacion over. Nan lo mester purba yega na e atracado aki awo. Tambe a nota Polisnan Forensico na e sitio y e departamento specialisa pa brinda asistencia y ayudo na victimanan.
Polis ta pidi esun cu a mira algo of sa mas di e atraco aki, pa yama e tiplijn di Polis na 11141. Bo yamada lo ta anonimo. Cu Bo sosten y ayudo Polisnan lo por soluciona e caso aki tambe.
