Ateliers ’89 Academia di Bellas Artes Aruba, subsidia pa UNOCA y Mondriaan Fonds, ta habri su aña nobo cu un workshop di e artista Hulandes, Marieke Zwart, entrante dialuna, dia 13 di januari pa diahuebs 6 di februari 2020.
Un y tur ta keda cordialmente invita pa participa den januari 2020 den e workshop di dibuho pa Marieke Zwart!
Marieke lo reta e participante cu experimentonan den pintamento pa asina haci investigacion den e posibilidadnan cu e disciplina aki ta brinda. Esaki lo pasa un parti paden den studio y tambe p’afo den naturalesa.
Hunto cu Marieke e participanten lo bay siña con pa observa bo propio medio ambiente cu bo ta aden y documenta esaki atrabes di dibuho. E resultadonan lo wordo amplia y traha despues den studio.
Akinan dibuho di potret tambe hopi importante den henter e proceso di e workshop. Asina e participantenan ta siña cu dibuho tin tambe un contexto social.
Tur hende lo wordo personalmente guia segun nan nivel. E resultado final lo ta un exposicion di e miho obranan consebi.
Marieke a studia y gradua na Academia di Gerrit Rietveld y despues a haci su masters na e prestigioso Academia di Reino, tur dos na Amsterdam, Hulanda. Tambe el a wordo nomina como e pintor di e estado di Amsterdam.
Marieke ta un pintor avansa. E con poder ta traha y e historia di e colonialismo Hulandes ta su temanan cu ta regresa frecuentemente den su obranan. Banda di esaki dunamento di les ta un parti hopi importante di su tabou como artista.
Marieke Zwart ta duna les frecuentemente na diferente academia di arte y ta organisa e programa di Gerrit Rietveld su summerschool pa di cinco aña.
Manera custumber e workshopnan na Ateliers ’89 ta pa un luna. Y ta 4 bes pa siman di dialuna pa diahuebs di 6.30 pa 9.30pm. Edad ta 12 aña p’ariba. Ateliers ’89 ta situa na Dominicanessenstr. 34, na man drechi riba e crusada di Maria College na Playa.
Inscribi awor mandando bo datonan via e-mail na elvis@ateliers’89.com of yama libremente na telefonan 5654613 of 5654613. Corda si e workshop aki ta uno hopi gusta y cuponan ta limita, pesey yama awo.
