Dr. Melissa Wever ta traha como dokter di cas ya pa 7 aña y ta algo cu for di hopi tempran e tabata sa cu e kier a haci. E ta haya cu ta un trabao hopi diverso. Ta traha cu baby chikito te cu hende hopi grandi.
Dr. Wever ta bisa cu no a gana e premio, sino a base di un app traha pa AZV caminda cu e pashentnan ta duna un rating na nan experiencia pa loke ta dokter di cas. No solamente e dokter con e pashentnan ta wak, pero mas tanto e parti di kantoor, con accesibel e ta, comunicacion cu e asistent y algun punto mas.
Segun e dokter, e ta sorprendi, pasobra e no a spera cu su pashentnan lo a uza e app. Segun e dokter, no ta algo cu a menciona hopi. Pero aparentemente e pashentnan ta satisfecho den e funcionamento general di e praktijk.
Dr. Wever a menciona tambe cu si bo haci bo trabao cu amor y pasion, bo ta haci e miho cos cu bo por.
Pa AZV, mantene e comunicacion, envolve e dokternan di cas cerca di tur e decisionnan cu tin cu tuma. E dokter ta haya cu e tin e impresion cu hopi biaha cu ta pone nan tin biaha den e luz negativo riba social media y e ta haya cu ta algo cu mester ta otro.
Dokter di cas ta traha duro, ta haci nan best y ta pensa cu sinta hunto, dialoga y hunto hiba salud di Aruba mas dilanti.
Tambe e dokter a menciona cu tin varios cos cu tin cu cambia. E ta kere cu pashentnan tambe tin cu kere cu e salud ta den nan man. E dokternan tey pa yuda, pero hopi cos nan mes por haci pa percura cu nan ta mas saludabel posibel.
