Hòmber detené pa posishon di arma di kandela

410

Den oranan di mardugá di djasabra 14 di desèmber 2019, Sentral di Polis a dirigí un unidat di polis pa un kas na Gato, na unda tabatin un problema familiar. Na yegada di e unidat, el a topa ku e hòmber I.R.P. nase na Kòrsou di 48 aña di edat, ku tabatin un skopèt di yag den su man.

E sospechoso aki a deklará ku e tabatin problema ku un familiar di dje, motibu pa kua el a harma su mes. Na e sitio mes a detené I.R.P. i a konfiská e arma. A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.