Ronella Tjin Asjoe-Croes, CEO di ATA a anuncia varios cambio di maneho pa loke ta trata nos bishitantenan.Un di nan ta e reapertura di e frontera cu Latino America, Mexico, Republica Dominicana y Haiti, entrante 1 di december.Naturalmente varios rekisito ta keda na nan luga, por ehempel ora di bay Colombia, cu tin un maneho di test similar cu esun di Aruba. Tin cu tene cuenta cu cada un di e paisnan aki tin nan propio rekisito y localnan cu ta bishita un di e paisnan aki mester atene nan mes na nan.
No lo tin hotzones mas na Merca. Esaki ta otro paso cu ta importante pa stimula ingreso di turista y como tal tambe impulsa nos economia. Merca ta keda mercado primario. Te awor aki ora cu a habri pa Merca a haci distincion di esnan cu ta hotzones y esnan cu no ta hotzones. Un hotzone, ta caminda cu tin mas caso y medidanan necesario prome cu un turista bin Aruba.
Entrante 1 di november no ta bay tin e distincion aki mas. Lo categorisa Merca como un pais pa posibel impacto y e importancia di Merca, e simpel hecho di elimina esaki, ta conduci na e cantidad di bishitante di Merca na 7 mil.
E por ta diferente, pero ta un analisis cu a haci na ATA pa wak kico por ta impacto di esaki. Mester tene na cuenta cu e maneho di test pa Aruba ta keda uno stringente. Ta un otro cambio cu a introduci, pero asina mes, e ta keda un maneho pa Aruba pero e tin su motibonan. Tin e confiansa riba e maneho di testing y seguro. Tin tur rekisito pa monitor y maneha e situacion debidamente.
Reduccion di tarifa di seguro pa bishitante. Siman pasa y awe a papia riba diferente cambio E prome ta e reduccion di tarifa di seguro pa bishitante. Aruba ta un di e paisnan cu tin e rekisitonan aki mandatorio. Por ehempel un siman di estadia na Aruba cada persona ta paga 70 dollar. Awo nan ta paga 30 dollar, no ta importa con largo ta keda. Aunke e tarifa a baha pa 30 dollar pa persona pa bishita, e bishitante ta keda sigura. Pa muchanan te cu 14 aña ta 10 dollar.
Colaboracion di aerolineananSegun Tjin Asjoe-Croes lo tin tambe e colaboracion di e aerolineanan di Merca unda cu nan tambe lo ofrece servicio na nan cliente e habilidad di e test. Esey ta keda e drempel mas grandi ainda. Pero hecho ta mester haci’e dentro di tres dia y mester entrega e resultado tambe den tres dia.
Esey ta un adelanto pa Merca cu ta cuminsando cu ne. E unico cos cu ta resta ta pa atene na e comportacion y mantene na regla y mantene na e rekisitonan di biahe pa asina nos por tin un temporada halto exitoso.
