Despues cu e parokianonan di Parokia Birgen di Fatima a trece nan opinion dilanti tocante asuntonan di Iglesia Catolico, diasabra awor dia 12 di februari ta toca turno na e hobennan pa duna nan opinion tocante asuntonan di Iglesia Catolico.
Pastoor Jozef Pelc y Diacono Michael Nicolaas ta invita e hobennan pa participa na e Asamblea Sinodal pa Hoben cu lo tuma luga den Misa Birgen di Fatima na Dakota di 9:00 am pa 1:00 pm. Registracion lo cuminsa pa 8:30 am.
Durante e Asamblea Sinodal e hobennan lo tin e oportunidad pa contesta algun pregunta y trece nan opinion dilanti. E ekipo Sinodal Hubenil a prepara un programa dinamico pa e hobennan cu wega y entretenimiento.
Por inscribi pa participa na e Asamblea pa Hoben via celular # 5612524 – # 5921858 – # 5930891. Hoben nos ta warda abo tambe diasabra awor na Misa Birgen di Fatima.
