Marisa Ehrbar, ta Area Manager di TerumoBCT, kende ta representante di e compania cu ta fabrica e mashin AFERESE.
Dos aña pasa e compania aki a introduci na Aruba un instrumento optico AFERESE, cu ta wordo uza den cuido di salud. Awo nan a bolbe pa duna entrenamento na e team di Aferese, cu ta uno hopi specialisa riba e aparato aki cu cual por realisa diferente tipo di procedura cu e meta di mehora e calidad di bida di cada pashent.
Aruba tin un mashin cu por trata 100 diferente tipo di malesa
Aruba tin un mashin cu por trata 100 diferente tipo di malesa. Click link pa mas https://24ora.tv/2XtgenV
Posted by 24ora on Wednesday, June 5, 2019
El a constata cu e mashin ta wordo bon uza, a logra acumula basta experencia, pero tambe a constata cu hasta a haci uzo di dje pa trata malesanan no comun, di cual no tabatin hopi data di dje, y cu bon resultado. “E team ta uno hopi dedica, y specialisa, cu hopi gana pa ricibi mas pashent,” sra. Ehrbar a expresa. Tambe el a bisa cu ta hopi impresionante cu riba un isla asina chikito, cu tin experticio asina grandi y tur data cu a logra wordo acumula. Mas riba e proceduranan cu nunca antes a wordo haci cu e aparato aki y ta un orguyo cu esaki por wordo comparti cu otro isla of paisnan.
Dr. Z. Choudhry ta un internista nefrologo y “klinisch immunoloog”, trahando dos aña caba na Aruba. Cu e aparato aki por brinda cierto tratamento cu no ta disponibel den e region aki, malesanan auto-inmuno. Ta trata di malesanan cu ta ubica den cabes, cerebro manera MS, Neuromyelitis Optica, Leukemia, y algun otro tipo di cancer. Awo tin un forma pa trata malesanan hopi fastioso mientras cu antes mester a manda nan afo. E tratamento ta uno hopi specialisa cu normalmente solamente por wordo haya den centronan academico. A trata hopi hende, pero tambe cura algun. Cu e mashin ta limpi e sanger di sushi. Tin 100 diferente tipo di malesa cu por trata cu e mashin aki. A logra un avance cu e adkisicion di e mashin aki. 
“Nos ta hopi orguyoso di e team cu ta traha cu e mashin aki y ta percura tur aña pa nan haya entrenamento. Mi a traha den diferente pais, pero loke nos a logra na Aruba, no por wordo haya den region,” e specialista a bisa. El a sigui splica cu ta un tipo di tratamento cu no ta wordo duna na Bogota, Santa Fe of Bucaramanga. Regularmente Aruba ta ricibi yamada di institutonan medico di e ciudadnan ey pa consulta. Asina leu nos a yega awendia.
