Aruba a solicita Merca pa lanta e sancionnan financiero cu ta impedi cu un refineria di CITGO Petroleum Corp, financia un proyecto di renobacion, loke a hiba na varios retiro, segun prome minister di Aruba, Evelyn Wever Croes a bisa dialuna durante un conferencia di prensa.
El am enciona tambe cu Merca a descarta inicialmente pa flexibilisa e sancionnan, cu e luna aki a hiba na e paralisacion di un proyecto di modernisacion di 685 miyon di dollar cu a cuminsa na 2016.
Gobierno ta spera e suman aki pa un respuesta definitivo na su solicitud pa permiti pa drenta entre 15 y 20 miyon di dollar pa inverti den e proyecto, Wever-Croes a bisa, agregando cu e placa lo permiti e reincorporacion di trahadonan.
CITGO, un filial di PDVSA, ta enfrenta sancionnan financiero imponi pa Merca contra Venezuela y e petrolera, diseña pa forsa e salida di presidente Nicolas Maduro.
CITGO Aruba Refining a firma un contract di huur pa 15 aña cu e Gobierno di Aruba, acordando pa renoba y habri bek un refineria inactivo di 209 mil bari pa dia.
E trabaonan aki a wordo deteni previamente na Februari y e empleadonan a wordo retira debi na e sancionnan di Merca.
Un vocero di CITGO Petroleum no a responde inmediatamente na un peticion di comentario na Reuters. E prome buelta di sancion contra Venezuela y PDVSA na 2017, a causa retrasonan den e proyecto.
