Agradecido pa e sosten brinda durante 2021, e ekipo completo di 24ora.com, e website di noticia mas grandi di Aruba, ta habri aña cu bo den cas. E programa lo cuminsa pa 11:00 pm y lo termina pa 1:00 am.
Durante e transmision, lo tin un bista di varios area rond di nos isla. Tambe, usuarionan lo por manda nan potret/video pa por comparti esaki cu tur otro usuarionan. Lo tin bista for di misa y for di halto pa mira con Aruba ta bolter aña. Claro cu e elenco di presentadonan manera Nelson “Speed” Andrade, Mark-Benson Denz, Brian Koolman y Patrick Paskel.
Por mir’e riba pantaya grandi na cas, via bo smart TV mirando e canal di 24ora.com riba YouTube of riba Facebook of riba e website mes.
Ban bolter aña cu nos pasobra….hunto nos ta recupera
