Den su mensahe di fin di aña, e di tres politico cu mas voto na Aruba, despues di Evelyn Wever y Mike Eman, esta drs. Marisol Lopez-Tromp di partido MAS a tene su discurso di fin di aña. Ey el a dirigi su mes na comunidad, gradiciendo pa e sisyen abrumador den eleccion y garantisando cu e lo sigui combati corupcion, sea den gobierno of for di parlamento.
Marisol Lopez-Tromp a sigura cu e trabou den parlamento no ta facil debi cu e gobierno aki ta intransparente, no ta cumpli cu palabracionnan haci cu Hulanda y ta sigui aplasa tumamento di decisionnan importante pa futuro di nos pais.
E ta convenci cu asina tambe, deliberadamente, ta hincando nos pais den mas problema cu nos tin caba.
Partido MAS ta premira un aña cu reto pero yena di oportunidadnan. Mesun cos cu ta vigila y controla gobierno pa promoce transparencia y bon gobernacion, tambe lo tey pa apoya tur decision den mehora nos calidad di bida y pa capitalisa riba oportunidadnan nobo cu e “normal nobo” a trece pa mundo henter.
E fraccion di dos asiento den parlamento ta desea henter pueblo di Aruba un feliz aña 2020, yena di salud y prosperidad.
