E Citizen Award ta pa ciudadano nan cu di un manera of otro a destaca den nos comunidad riba tereno social, cultural, educativo y tambe riba nivel voluntario.
Durante di su celebracion di e 71 charter night, Aruba Lions Club a honra tre ciudadano pa nan trabao valioso cu nan ta desplega den nos comunidad. A hasi entrega di e Citizen Award na Sr. Ramon Todd Dandare pa su buki “E caya di Monche”.
Tambe na November 2018, sra. Joyce Pereira a defende exitosamente su disertacion y a obtene e grado di PhD den Papiamento y ta pa e motibo aki tambe cu e ta ricibi su Citizen Award. Por ultimo ta hasi entrega na Sr. Mario Croes, kende pa 30 aña largo ta hasi trabao voluntario na Centro Kibrahacha manehando e bus di e centro. Logronan tur di admira y Aruba Lions ta gradici nan di e forma aki.
Aruba Lions Club ta gradici tambe tur persona, instancia, empresa y medio nan di comunicacion cu di un forma of otro a y ta sigui duna nan apoyo na e club. Un danki di curazon pa tur.
