Aruba Bank a lansa un producto di prestamo nobo pa pensionado, Reverse Mortgage-Hipoteca Inverso. E producto ta permiti e pensionado disfruta di su libertad financiero durante di su pensioen.
Si e pensionado tin 62 aña of mas y ta desea di ricibi fondonan pa drecha su cas, suplementa su entrada di pensioen of haci pagonan relaciona cu salud y bienestar, e pensionado por considera pa aplica pa e Reverse Mortgage-Hipoteca Inverso cu Aruba Bank so ta ofrece.
Aruba Bank kier pa e pensionado compronde con e Reverse Mortgage-Hipoteca Inverso-ta funciona y con pa haya e miho oferta. Den un hipoteca “tradicional”, ta haci pago mensual di e prestamo. Den un “reverse” mortgage, e pensionado ta ricibi e suma completo y no mester paga e suma bek mientras cu e ta biba den e cas.
Fondonan ricibi di e “Reverse Mortgage” generalmente ta liber di impuesto y ta provee e pensionado cu no ta cualifica pa otro tipo di hipoteca basa arriba nan entrada mensual y/of nan edad, e oportunidad pa haci un prestamo basa arriba e balor di nan propiedad cu ta den bon condicion y liber di debe. Pa mas informacion por bishita https://www.arubabank.com/campaigns/reverse-mortgage-2019 of jama Contact Center na 527-7777, entre 8:00 am y 4:00 pm.
