Aruba Heart Foundation, cu salud semper den mente, despues di un tremendo simposio “Bo Curason Den Tempo di Covid”, lo continua awor cu nan prome 5 KM Fun Walk.
Como cu september ta internacionalmente reconoci como luna di curason, e evento aki lo tuma luga diasabra, 24 di september pa 5.30 pm.
E “Beach Boardwalk” aki ta planea pa sali di e beach di Costa Linda y lo bay te banda di Embassy Suites.
Coordinacion ta den man di IBISA y lo haya ayudo tambe di Aruba Medical Assistance y Rehab Team di Dr. Horacio Oduber Hospital.
Nos ta welcome tur cu ta pensa riba nan salud, pero muy en especial nos lo kier mira esnan poco mas mayor cu ta sufriendo di malesa di curason en particular pero tambe otro malesa manera diabetis y cholesterol. Edad no ta hunga un rol, bini uno bini tur.
Pa solamente 10:00 florin por registra y lo haya tambe un pedometer regalo. Lo tin hopi premio pa e participantenan.
Pa mas informacion por tuma contacto cu :
Selimah Maduro # 730 4283
Giovanni Jacobs # 662 9956
