Un di e preguntanan cu a bin den direccion di DOW durante nan conferencia di prensa, ta tocante e preocupacion di parti di comerciantenan rond di e rotonde di Palm Beach pa cu e tardansa den e trabounan y cu no tabata mira hopi hende na pia’i trabou. Pa cu esaki, director Ing. Marlon Croes a indica cu esey ta algo cu nan tambe a tuma nota di dje y a sinta cu e contratista. A recorda nan cu tin un schedule pa cumpli cu ne y a pidi pa pone mas trahado activo, cual nan a haci tambe.
Mas aleu, Ing. Croes a splica cu e contratiempo den e proyecto aki tabata mas bien na inicio. Condicionnan inespera ta loke e ingenieronan di DOW a soluciona hunto cu Arubaanse Wegenbouw. Posteriormente a haya molester di e cantidad grandi di awasero cu a cay, pa cual mester a maneha e grondwaterstand, pone pomp pa pomp e awa y hib’e den saliña pa por haci e luga seco y asina e trabou continua.
“Aworaki cu nos ta den un temporada toch bon, nos ta kere cu no lo bay tin contratiempo mas. Solamente si nos haya un breakdown di mashin of dicidi di haya un awasero duro den e proximo dianan nos dilanti”, e director di DOW a expresa.
Pa e relato completo, lesa TREMPAN
