Durante e fin di siman di 11 pa 14 di april 2024 a tuma luga na hermana isla Curaçao, Weganan Interinsular 2024, esaki pues tabata e ultimo di un serie di 3 evento pa e ciclo di Weganan Interinsular.
E weganan aki a inicia na Aruba, despues a sigui pa Bonaire y a termina na Curaçao. Ramonan di deporte cu a tuma luga na Curaçao tabata Volleyball basis school mucha homber, Basketball voortgezet onderwijs y Atletismo.
Basketball:
Den weganan di basketball Aruba a keda na di tres luga ganando for di Bonaire pa e wega di tres y cuater luga, cu score di 16-10.
Volleyball:
Pa loke ta Volleyball, Aruba un biaha mas tabata den defensa di su titulo logra na aña 2023 den Weganan Interinsular na Aruba. Den prome buelta Aruba a gana tur su weganan, den di dos buelta Aruba a cay cortico y na final di competencia a keda na di tres luga den volleyball.
Atletismo:
Den atletismo tabata tin varios disciplina y muchanan di Aruba a finalisa como lo siguiente: den distancia largo mucha muhe categoria 2, Leia Wever a keda na di seis luga, na di cuater luga a keda Jaydyzianne Wester y na di tres luga a keda Ryzilaine Richardson.
Den categoria 3, na di nuebe luga a keda Hailey Curiel, na di shete luga a keda Edelliane Croes y na di tres luga a keda Aryeana van der Linde.
Distancia largo mucha homber, categoria 2 na di ocho luga a keda Fofane Jean Raymond, na di tres luga a keda Jeshard Arias de la Cruz y na di dos luga a keda Rayven Pimienta.
Den categoria 3, na di shete luga a termina Benjamin Molina, na di seis luga a termina Jayvyen Quandt y na di cuater luga a termina Rabial Harriot.
Pa loke ta trata sprint mucha muhe categoria 2 na di shete luga a keda Leia Wever, na di seis luga a keda Ryzilaine Richardson y na di dos luga a keda Jaydyzianne Wester.
Den categoria 3, na di 7 luga a keda Hailey Curiel, na di 6 luga a termina Aryeana v/d Linde y na di tres luga categoria 3 a keda Edelliane Croes.
Sprint mucha homber categoria 2 na di cinco luga a keda Rayven Pimienta, na di cuater luga a keda Fofane Jean Raymond y na di dos luga a termina Jeshard Arias De La Cruz.
Den categoria 3, na di shete luga a keda Benjamin Molina, na di seis luga a termina Fabial Harriot y na di tres luga Jayvyen Quandt.
Den evento di bula leu categoria 2 mucha muhe na di nuebe luga a keda Leia Wever, na di seis luga a termina Ryzilaine Richardson y na di cinco luga a termina Jaydyzianne Wester.
Categoria 3, na di nuebe luga a termina Hailey Curiel, na di ocho luga a keda Aryeana v/d Linde y na di seis luga Edelliane Croes.
Bula leu mucha homber categoria 2 na di shete luga a termina Fofane Jean Raymond, na di seis luga a keda Rayven Pimienta y na di dos luga a termina Jeshard Arias De La Cruz.
Den categoria 3, na di ocho luga a keda Benjamin Molina, na di seis luga a keda Jayvyen Quandt y na di cuater luga a termina Fabial Harriot. Den evento di tira bala categoria 2 mucha muhe na di ocho luga a termina Leia Wever, na di cinco luga a keda Ryzilaine Richardson y na di tres luga a keda Jaydyzianne Wester.
Categoria 3 mucha muhe, na di nuebe luga a keda Edelliane Croes, na di shete luga a termina Aryeana v/d Linde y na di seis luga a termina Hailey Curiel.
Tira bala categoria 2 mucha homber, na di nuebe luga a keda Rayven Pimienta, na di cuater luga a keda Fofane Jean Raymond y na di dos luga a termina Jeshard Arias De La Cruz.
Den categoria 3, na di nuebe luga a keda Benjamin Molina, na di shete luga a keda Jayvyen Quandt y na prome luga a keda Fabial Harriot.
A base di resultadonan y acumulacion di punto logra tanto na Aruba, Bonaire y Curaçao, ganado absoluto di Weganan Interinsular 2024 a resulta Aruba.
IBiSA ta felicita tur e alumnonan di scol cu a participa na Weganan Interinsular 2024 y tambe na tur ganado en general. Gradicimento ta bay na tur esnan cu a coopera pa haci Weganan Interinsular 2024 posibel.
