Comision di Metanan Mundial Sostenibel di Aruba a organisa un tayer di “Raising SDG Awareness Among the Public.” E tayer aki tin como meta pa aumenta e conocemento y crea conscientisacion riba e Metanan di Desaroyo Sostenibel (Sustainable Development Goals (SDG)) di Nacionnan Uni (UN). E resultado di UN a indica cu Aruba falta mas conscientisacion riba SDG.
Un di e oradornan riba e dia aki tabata Pytrik Oosterhof, Senior Sustainable Development Consultant UN ECLAC (United Nations Economic Commission for Latin America and the Caribbean). El a splica cu e ta e persona encarga cu e parti di desaroyo di strategia di comunicacion pa Aruba y ta aki pa asina yuda promove SDG. Nacionnan Uni ta trahando cu Aruba pa crea un strategia di conscientisacion riba SDG, di cual Oosterhof ta desaroyando hunto cu colega di Aruba.
Pa e motibo aki a tene dos dia di training cu representante di gobierno y stakeholders, representante di sector priva, sociedad, academia y otro. Aki a discuti riba e echo con SDG por haya mas momento den futuro. Segun Oosterhof, nan a yuda pa tin miho comprension kico SDG ta y ki sostenibilidad kiermen pa Aruba, p’e Rubianonan.
Marilyn Wout, miembro di comision di SDG Aruba, a indica cu desde aña pasa nan ta trahando cu Nacionnan Uni y asina aki ta mira con Aruba ta para cu e metanan di SDG. E resultado di esaki a demostra cu Aruba falta mas conscientisacion riba kico e metanan mundial di desaroyo sostenibel ta.
P’e motibo ey Nacionnan Uni a busca un consehero den area di comunicacion, kende lo traha un rapport di comunicacion di strategia pa comision di SDG Aruba. Asina aki a haci un evaluacion y durante e tayer nan a duna un training con pa crea conscientisacion den comunidad.
Pa mas lesa TREMPAN.COM.
