E siman aki Gobierno di Aruba, por medio di Prome Minister mr. Evelyn Wever-Croes, a negosha cu Gobierno di Hulanda pa haya dos aña di tempo, pa por alcansa un surplus den presupuesto di Gobierno. A yega na palabracionnan importante di acuerdo cu e FEM (Financieel Economisch Memorandum) riba nos defict presupuestario, riba rebaho di debe y riba supervision. Awe diabierna a confirma e acuerdo aki durante un reunion formal di Conseho di Minister di Reino, den cual ta participa tambe e Minister Plenipotenciario di Aruba, Corsou y di St. Maarten.
Di e manera aki Gobierno di Aruba a logra convence Gobierno Hulandes pa haya e tempo indica, enbes di awo, manera cu inicialmente a palabra cu e Gobierno anterior.
Te ainda no ta unda kier ta, pero poco poco ta bay p’adilanti, tabata expresionnan di Wever-Croes.
Mirando cu Aruba no ta cumpliendo cu ley, mester a negocia cu Hulanda pa un “Financieel Economisch Memorandum” nobo riba finansas y den e proximo dianan lo caba di negocia e detayenan.
