Solamente ta haci falta un tormenta pa cambia bo bida y comunidad. Realmente nos no ta biba den e faha di horcan, pero bo mester ta prepara.
E temporada di horcan pa 2018 ta cuminsa oficialmente awe, dia 1 di Juni, pero ya caba nos a mira formacion di e prome tormenta di e temporada, e tormenta sub-tropical Alberto, cu a toca tera na Florida dialuna. Por lo tanto, ta hopi importante pa cuminsa prepara tempran y un di e prome cosnan cu bo tin mester ta un “Disaster Supply Kit” (DSK).
Un DSK lo mester tin e suministronan necedario cu por dura te cu cinco dia despues cu e tormenta a pasa riba e isla. Un Horcan devastador por laga un pais sin awa y coriente pa varios dia, si no ta mas largo y ta pa e motibo ey ta hopi importnte pa tin minimo di un siman di suministro pa cada persona den cas.
E DSK mester contene cuminda di bleki “non-perishable food”, awa, remedi (cmpleta e recetanan prome cu e tormenta), un cos di habr bleki, un first-aid kit, extra placa (Mashinnan di ATM y credit card no lo traha si no tin coriente), un radio di bateria y flashlight como tambe extra bateria. Percura pa telefonnan celular ta carga prome cu e horcan yega. Yena e tanki di bo auto/pick up. Check prome si seguro di bo cas y auto ta na ordo. Pone tur ID, paspoort, rijbewijs den un saco waterproof, hunto cu otro documentonan importante.
Si bo ta mayor cu un baby of muchanan chikito, tambe bo tin mester di articulonan esencial como parti di bo DSK: lechi pa baby, bruki, boter, lechi di bleki, remedi, wipes y inguente pa rash.
Autoridadnan riba e isla lo ta consehando tur habitante pa cuminsa prepara na ora pa e temporada di horcan Atlantico y pa tin plannan necesario na su luga prome cu dia 1 di Augustus pa e peak season (medio Augustus – medio October).
Uza e periodo keto di e temporada pa corta takinan di mata di bo cas. Corta tur taki morto of fofo di cualkier mata di bo propiedad. Haci bo cura limpi y warda tur cos cu por bula bay durante pasamento di un horcan.
Pa esnan cu no tin nan cas cla pa un tormenta of horcan, haci areglonan alternativo pa keda cerca famia, amigo y otro areglonan di cas. Corda, uza e tempo awo pa planea tempran.
E temporada 2018 di horcan oficialmente ta core te cu dia 30 di November.
