Ramon Arnhem durante su prome encuentro den noticiero Enfoke a elabora riba varios tema. Patrick Paskel a bis’e riba e percepcion cu tin den pueblo, esta cu; ta sinti cu politica ta hopi cerca den Cuerpo Policial Aruba pa e ultimo aña nan tras di lomba. No ta un secreto cu e ultimo altocomisario, ta casa cu un politico activo.
Arnhem a comenta cu di berdad el a tende di e influencia politico den KPA pero den su prome frase di contestacion el a bisa cu e no conoce ningun hende. Prome cu el a bin Aruba, tampoco e tabata conoce hende, referiendo n’e politiconan. “Mi funcion ta encera riba asunto policial”, asina el a duna di conoce. “Mi no tin nada di haber cu politico of un partido politico,” cu esaki el aclaria su punto di bista den cuadro di su funcion nobo como altocomisario.
