Stichting Musica ta invita pueblo di Aruba pa bin goza di e ultimo anochi prefinal di Aruba Caiso & Soca Monarch 2023!
Despues di dos siman exitoso di Prefinals, pa loke ta trata e festival di mas grandi di Aruba, Stichting Musica ta den pleno preparacion pa e ultimo anochi prefinal cu lo tuma lugar na Centro di Bario Brazil riba diasabra, 26 di november 2022.
Anticipacion ta halto pa e presentacion di e ultimo 4 bandanan y Stichting Musica ta hopi agradecido na cada un di e centro di bario nan cu a habri nan porta pa e festival. Te cu awor, e ambiente tabata sumamente ameno y e artistanan participante a desplega hopi energia, talent, composicion y areglonan bon prepara y presenta, riba escenario. E organisacion no ta spera nada menos di e artistanan y bandanan cu lo participa diasabra awor na Centro di Bario Brazil, cual ta:
MUSICAL TIME cu 2 participante (1 caiso, 1 soca)
1. Ronald “King Chicho” Kock cu su Caiso: A Different Culture (composita y aregla pa: Roland Kock)
2. Roy “Long Roy” Illis cu su Soca: Take Of We Stress (compositor: Roland Kock / areglo: Musical Time)
HOT ONES BAND cu 3 participante (2 caiso, 2 soca)
1. Soilo “Lord Lally” Sanchez cu su Caiso: One Blessed Island (compositor: Soilo Sanchez / areglista: Emil Krozendijk)
2. Tanya “Queen T” Granger cu su Soca: It In We (compositor: Angelo Richardson / areglista: Emil Krozendijk)
3. Angelo “The Soca Mafia” Richardson cu su Caiso: It’s Up To Us y su Soca: I’m On My Way (ambos composita pa: Angelo Richardson y aregla pa: Emil Krozendijk)
AZUCAR cu 2 participante (1 caiso, 2 soca)
1. Robert “Mr. Culture” Maduro cu su Caiso: What If y su Soca: Wait For Me (ambos composita pa: Robert Maduro y aregla pa: Mark Maduro)
2. “Mighty Whopper”, Robert Maduro Jr., cu su Soca: It’s About Time (composita pa: Robert Maduro y aregla pa: Mark Maduro)
GROOVE MASTERS cu 2 participante (1 caiso, 2 soca)
1. Travis “Tip Toe” Tucker cu su Soca: Free Again (composita pa: Groove Masters / areglista: Markkeys Maduro)
2. Mervin “Blacky” Baptist cu su Caiso: No Money Business y su Soca: Ah Got This Feeling (ambos composita pa: Groove Masters y aregla pa: Markkeys Maduro).
Un total di 4 banda, 9 participante, 7 Soca y 5 Caiso lo wordo presenta riba e di tres y ultimo anochi di prefinals na Centro di Bario Brazil.
Pa solamente 20 floriin di entrada, pueblo di Aruba por bin presencia y apoya e produccionnan mas nobo di Musical Time, Hot Ones Band, Azucar y Groove Masters. Portanan lo ta habri desde 7:30 PM y e evento mes lo cuminsa 8 PM riba dia 26 di november 2022.
Stichting Musica ta gradici e partners di Aruba Caiso & Soca Monarch pa nan aporte: Setar NV, Aruba Bank y Balashi. Y tambe ta sumamente contento cu e sosten di Departamento di Cultura, Telearuba y Elite Productions & Entertainment. Bishita e Facebook page di Stichting Musica pa keda na altura di tur updates y informacion relata na Aruba Caiso & Soca Monarch 2023!
Tickets ta obtenibel via Pay.AW y tambe na Citgo Boulevard, Citgo Palm Beach, Citgo Santa Cruz y Citgo Essoville.
