No ta tur hende tin mesun suerte, por lo menos e ambtenaarnan no. Mientras cu e ultimo lunanan tras di lomba, diferente sindicato ta luchando pa nan miembro nan ricibi e 12.6% cu gobierno a corta den salario, di otro banda algun ta haya bonus.
Ta trata di Elmar cu a ricibi nan bonus di 1500 florin mientras AAA a ricibi dos luna di salario y recien, minister di telecumunicacion a anuncia cu awo Setar tambe lo ricibi un ‘performance’ bonus. Ta mustra claramente cu no tin liña recto den e gobernacion.
Minister Ursell Arends como mandatario encarga cu integridad a conta cu internamente lo bay atende cu e situacion aki.
