Diahuebs marduga, polis a bin topa cu un Toyota Vitz contra un baranca banda di Green Corridor direccion pariba net despues di e rotonde na aeropuerto.
N’e sitio, na momento cu a bay mira kico por a pasa, nan a tuma nota cu e chauffeur no tabata mustra herida y aparentemente su so tabata envolvi den e accidente aki.
Segun e chauffeur, el a dal den un buraco, a perde control y a bay dal den un baranca cant’i caminda.
Pa evita cu otro trafico dal den e auto cu a accidenta, mirando cu e tabata medio para riba caminda, polis a pone patruya cu zwaailicht den tal manera pa asina e autonan circulando n’e momento ey desvia.
Roadservice tambe a presenta pa traha riba e papeleo necesario. A pidi tambe pa un takelwagen pa bin p’asina hala e auto fo’i caminda.
