Diaranson a pasa p’e parti di votacion di presupuesto 2023. Practicamente mientras cu e gobierno y e coalicion cu ta sostene esaki ta festehando paden, fraccion di MAS a sali y splica pueblo kico esaki lo nifica pa Aruba pa loke ta 2023.
Segun parlamentario Aquannette Gunn, ta papia di un surplus di 1%, pero practicamente kico esaki lo nifica pa pueblo. Nan tin cu compronde cu pueblo ta pasando den tempo sumamente dificil, practicamente tin un gran mayoria di nos comunidad cu no por hiba un bida digno mas. Tin un gran mayoria di nos comunidad cu ta man na cabes pasobra nan no por paga nan utilidad y nan ta sobrevivi dia pa dia. No mester descarta cu ta mira di 1% di BBO. Si a tuma nota di e presupuesto 2023, practicamente gobierno ta aumenta su entrada, pero door di medida.
P’esey MAS ta para firme y ta bisa pueblo pa habri nan wowo y realisa cu esaki no ta un logro pa pueblo di Aruba, sino simplemente un instruccion cu pais Aruba mester a sigui, debi n’e echo cu e secretario di estado Van Huffelen, a subraya cu pa 2023 mester tin un surplus di 1% riba e presupuesto di Aruba.
