Pa bay un di e scolnan di SKOA mester paga schoolgeld. Segun Anuesca Baly, director di SKOA, e aña aki tin un ahuste pa loke ta trata kleuterschool. Na total e ta sali hunto cu aircogeld, 400 florin, ta loke e mayor tin cu paga.
Pa schoolgeld e tabata 175, cu 250 acerca, ta loke mester paga p’e alumno por inscribi.
Con cu mir’e, pa loke ta e scolnan di SKOA lo bay tin ahuste pa tur ‘jaarlaag’. ta bezig ta mirando con ta bay haci e ahuste.
PA KI MOTIBO
Cos ta birando mas caro, segun Baly. Desde 2015/2016 no a bin cambio den schoolgeld y cu e ahuste aki, tin cu bisa cu pa hopi mayor, tin biaha ta fastioso.
Sinembargo mester haci esaki. SKOA ta keda toch e fundacion mas barata, compara cu tur otro directiva di scol y tambe SKOA den e caso aki, tambe ta trahando riba diferente partnership cu instancia cu ta yuda mayor cu realmente no por paga.
Tin un bon relacion cu HIAS y tambe cu Cruz Cora, sin lubida e Sociale Fonds di SKOA, unda cu nan ta haya fondo, cu sa haya di Aruba Bank, Women’s Club, Kiwanis Palm Beach. Ta purba di yuda tur alumno cu mayor realmente no por paga. Ta haci un sondeo bao di e mayornan aki y ta percura pa cumpli cu tur pago.
CUANTO E TABATA PROME
Manera ya indica, e schoolgeld pa kleuter tabata 325. Awo el a bira 400. Ora cu bay scol basico tin un otro tarifa. Tambe ora cu bay scol mas halto manera MAVO tin un otro tarifa.
Te asina leu, SKOA no ta full cla pa haci e calculacion cuanto nan lo ahusta esaki.
