E docente di historia (geschiedenis) di Colegio Educacion Profesional Intermedio (EPI), esta Germain Navarro, ta suspendi actualmente. Pa algun tempo caba no tabata aprecia su actuacion. Sigur ora cu el a cuminsa un relacion amoroso cu un studiante di su mesun scol.
Separa di historia, e ta duna les di “maatschapijleer” y algun otro vak mas den Unit Welzijn. Parce a yega di hala su atencion caba den pasado. Pa hopi tempo cos a cana y awor e alumno no tin nada mas cu e docente. Esey ta algo cu e docente no kier a acepta. E alumno a haya un pareha nobo cu ta bayendo mesun scol tambe.
Ora cu e docente a haya sa parce cu e no kier biba cu e realidad. El a bay asina leu di menasa e alumno cu ta pareha di su ex. E alumno a bati na porta di Polis pero tambe a bati na porta di maneho di scol. Recherche a tuma e keho y den mesun rosea directiva di Colegio EPI a suspende e docente. E no por duna les mas por lo pronto na EPI. Mas leu tin informacion cu EPI mes ta den e proceso pa retira e docente. Esey tin su proceso. Nan ta consider’e un peliger pa enseñansa.
