Asina bo yega na Ling & Sons Food Market, bo ta haya un ambiente tremendo di Pasco. Na entrada caba bo ta bin topa cu Santa Claus, y tambe bo ta mira e kerstboomnan y e famoso Oliebollen, cu ta e mihonan na Aruba.
Marlene Maduro, di e departamento di mercado a conta cu a cuminsa caba desde Black Friday, lansando nan bendemento di Oliebol y esaki ta bayendo super bon.
Manera cu bo drenta Ling & Sons bo ta bin topa cu e stand di Oliebol, unda cu bo ta haya e oliebol cu y sin rasenchi, traha fresco fresco.
P’esaki tin e special di cumpra 10 oliebol pa 10 florin.
Kier corda tur hende cu nan por haci nan pedido pa fin di aña. E ultimo dia cu por haci e pedidonan ta dia 30 di december y lo ta bendiendo naturalmente parti pafo te cu dia 31 di december.
Full luna di december ta haya Oliebol fresco fresco tur dia fo’i 8:00 am te cu 7:00 pm.
Tambe si bo cumpra bo kerstboom bo ta haya cinco Oliebol hunto cu ne.
E kerstboomnan Fraiser Fir tin di size di 4 pia te cu esunnan di 10 pia, cual ta esun grandi grandi. E kerstboomnan aki ta cuminsa fo’i 145 florin. Tin algun chikito tambe di 125 florin. Asina tin esunnan di 5 pa 6 pia cu ta varia di 180 florin.
Tin esunnan di 6 pa 7 pia, cu ta di 205 pa 220 florin.
Esun di 8 pa 9 pia cu ta di 313 florin y esunnan di 10 pa 11 pia cual ta di 599 florin.
E cantidad di kerstboom ta limita. Si bo no tin kerstboom ainda, pasa na Ling & Sons y busca bo kerstboom bunita y yen prome cu nan caba.
Fuera di esey ta acumula punto ora bo haci bo compras y bo por uza bo puntonan tambe, si bo tin bo VIP Points pa cumpra bo kerstboom.
Tambe e chens t’ey pa participa den e campaña di fin di aña, cual ta ‘Gana e Garoshi di oro’.
Paden di Ling & Sons tambe tin un bunita ambiente di Pasco.
Tin diferente otro producto cu ta na benta p’e temporada di Pasco, pa loke ta mangel, cu chuculati.
Segun Marlene, Ling & Sons ta conoci p’e temporada di Pasco pa tur e cos dushinan cu nan ta trece. Tin hopi mas na caminda.
Manera cu bo drenta Ling & Sons ta haya tur e cos dushinan p’e dianan di fiesta.
Si bo ta bay traha basket of p’e regalo bao di Kerstboom, Ling & Sons tin un surtido varia p’e dianan di fiesta.
Ling & Sons tin un variedad di producto p’e dianan aki.
Algun tempo pasa nan a anuncia nan campaña di fin di aña. Tanten cu e campaña di Ling & Sons no cuminsa, Pasco no a cuminsa na Aruba. Esaki a lansa na comienso di november y ta gana e Garoshi di Oro cu Ling & Sons. E garoshi di oro ta representa un aña di compras di comestibel gratis na Ling & Sons. No solamente pa un feliz ganado, pero tambe pa un instancia caritativo cu e ganado scoge.
Ling & Sons ta scoge 10 finalista, di nan 5 so ta bay p’e careda di garoshi y e persona cu gana ta esun cu tin mas balor di comestibel den su garoshi, kende lo t’esun cu lo bay cu e aña gratis di comestibel.
Pa participa ta facil. Sea cumprando 50 florin na Ling & Sons of cumprando e marcanan participante, cu ta Heineken, Old Parr, Absolute Vodka, Protec, Colgate, entre otro.
Un y tur ta haya un cordial invitacion pa bishita e website shop.ling&sons.com pa mira tur informacion.
Ta na Ling & Sons bo mester ta pa bo basket, pa bo kerstboom, pa bo oliebol y hasta pa bo lunch, cu no por falta.
Ling & Sons p’e temporada aki nan ta habri tur dia di 7:30 am te cu 8:00 pm y diadomingo pa luna di december, ta habri di 9:00 am te cu 6:00 pm. Cuminsando dia 20 di december lo ta habri te cu 9:00 pm. Ta haya un ora extra cu por disfruta y asina aki haci bo compras. Dimes, dia 24 di december y dia 31 di december lo ta te cu 5:00 pm.