Alexis Wever ta un hoben artista y ta conoci den e mundo di farandula. Desde e situacion di COVID-19, unda cu hopi hende a perde nan entrada, Wever tambe ta un di nan. Pa 3 luna e no tin entrada y p’esey el a dicidi di cumisa traha arte.
Tanto su tata como ruman tambe ta den mundo di arte, unda nan ta pinta. Segun Wever, su tata ta orguyoso cu e ta siguiendo su pasonan. Tambe e ta traha e artenan pa comunidad di Aruba. E artenan ta traha na man y p’esey e ta dedica su tempo pa haci nan. El a haci diferente diseño, pero ta reta su mes pa haci nan mas miho. Hopi hende a mira su arte den cura y a puntra unda a cumpra nan, pero a splica cu e mes ta trahando nan. Desde el a traha e prome arte, el a pensa cu e mester haci nan mas miho. Wever a biba na Boneiro y flamingo ta hopi conoci tanto na Boneiro como Aruba riba Renaissance Island.
E proceso cu e ta haciendo ta uza materialnan recicla. El a cuminsa cu un tubo bieu y kibra, cual a resulta bon. Tur material ta di Aruba, unda cu e ta sostene localnan pasobra na Aruba tambe tin talento. Esnan cu ta interesa den un di e artenan di flamingo por tuma contacto cu Wever na 6304080 of sigui’e riba Facebook Aruflamingo art y ta situa na Weg Rooi Hundo 10.
Door cu e no tin auto y ora di bin Playa cu un amistad, e por pasa laga e arte di flamingo cerca e persona interesa. Pero si no por ta avisa na tempo of por busca esaki na su cas. E ta pidi pueblo di Aruba pa apoya artistanan local. Tambe tur su artenan tin un prijs pa local y como cu no tin trabou awo e ta na cas tur dia, el a bisa.
