Extention Media na Hulanda a bin cu un ‘challenge’,pa duna artistanan hoben un spotlight riba nan obranan creativo, y ilustra nan riba tur pantaya digital na Hulanda. E artista Kevin Rooi a sa di bin cu un diseño cu sigur ta hopi cerca di su curason.
E tema cu el a bin cu ne, ta expresa colo y dicha, dus el a uza e palabra aki, cual tur dia e ta tende y ta lag’e smile y sinti contento: ‘Alegria’.
Na Ingles ‘Alegria’ ta nifica ‘joy’ pa Kevin, debi cu e ta haya cu ora un persona ta contento, por cera amistad. E famianan rond di bo ta contento ta den ‘Alegria’ na momento di un fiesta of ora ta den ambiente.
Ta pa e motibo aki el a scoge e palabra ‘Alegria’ pa ora cu hende mira esaki, nan corda riba e momentonan cu nan ta sinti contento, pa asina trece hende y cultura hunto.
Den e ‘challenge’ aki, e diseño aki a sali na di tres luga y a sa di yama atencion di medionan di comunicacion na Hulanda.
Sigur ta un orguyo pa e islanan Aruba, Boneiro y Corsou pa mira cu nos palabranan na Papiamento ta bisti pa tur hende rond na Hulanda, expresando asina ‘Alegria’.
