Diadomingo, pa mas of menos 10:00 am, a sosode un accidente den Pastoor Hendrikstraat entre un Kia Rio colo cora y un Hyundai Accent colo blanco.
E Hyundai tabata bin fo’i Pacifico ora cu el a bin dal den Kia Rio na e banda di chauffeur, haciendo cu e auto a dal un buelta completo, cu e consecuencia cu e ocupante, un cabayero di edad, a resulta herida, perdiendo basta sanger.
Polis a presenta na e sitio y a pidi asistencia di ambulance, cu a bin cu maximo urgencia, pa asina atende cu e herido. A transport’e pa IMSan pa chekeo medico avansa.
Daño na ambos auto ta considerabel.
