Diasabra marduga basta grupo di Cuerpo Policial a activa pa un yamada cu tabata mustra serio. Polis a atende cu un caso unda a haya un homber benta riba caminda. E no tabata reacciona. Na prome instante a consider’e un situacion cu tabata mustra un crimen. Polis a bay, djey a avisa recherche y hasta dokter cu slachtofferhulp. Cuerpo Tecnico tambe a ser avisa. Polis a atende e caso na prome instante como un incidente serio.
Despues cu e persona tabata na ImSan, a traha y atende cu ne. A bin saca afo cu no tabata un crimen pero e persona tabata hopi hopi bebi of bou influencia cu a pone bay off. Ora a confirma cu e ta ok, a bandona ImSan lagando e victima atras cu su familiar cerca. E presencia di tur e ekiponan di husticia logicamente a activa nos team di reportero, pero finalmente tabata un alarma grandi pornada. Esey tambe ta bon pasobra e victima ta ok finalmente.
