Tin sospecho cu personanan di pais bisiña ta buscando otro forma pa drenta Aruba. A lo menos esaki nan ta pensa despues di algo cu a pasa den oranan di atardi.
Algo prome cu 4’or di atardi doño di un compania di kite surf a bati alarma pa persona indocumenta cu lo mester a drenta nos isla uzando e metodo di kite surfing.
Esaki a sosode den e area di Grapefield. Na yegada di prome unidad, a papia cu e polis y a confirma cu esey mes a pasa. Supuestamente nan a mira e personanan y nan tabatin un tas riba nan lomba.
Mesora a solicita mas unidad p’asina cuminsa c’un buskeda den e area den e diferente casita nan. Ta pidi comunidad pa ta alerta pa tipo di movecionnan straño asina den e area ya menciona.
