Diamars merdia algo pasa di 12:30 habitante di Seroe Patrishi a bati alarma pa candela di mondi. E candela a cuminsa net algun meter leu di un snack truck cu tabata para banda di caminda.
Polis a yega den algun minuut y cu shovel na man a purba tira santo riba e candela. Un rato despues bombero a yega pa combati e candela. Polis a keda den area pa bombero por traha sigur. Den pasado algun hende a tribi di tira e truck y personal di bombero cu piedra y hasta boter.
Accion relampago a pone cu no tabatin daño material den e candela. Causa di e candela no ta conoci, hopi yerba seco den mondi di Sero Patrishi. Ultimo dia Cuerpo di Bombero a haya nan mes ta atende algun biaha pa asitencia similar.
