Manera ya ta conoci, diamars ultimo Prome Minister mr. Evelyn Wever-Croes a entrega retiro na gobernador di su gabinete, despues cu Ministerio Publico a publica un comunicado di prensa riba iregularidadnan referente maneho di placa riba cuenta bancario di fundacion di fraccion di POR den parlamento.
Riba ordo di Procurador General, e hecho aki ta investiga pa Landsrecherche di Aruba y esey a hiba na un sospechoso di malversacion y beslag riba cuenta di banco.
Despues di e comunicado di pensa aki, parlamentario y actual lider di partido POR, Alan Howell, a post un comentario riba su cuenta riba Facebook, bisando lo siguiente:
“Despues cu mi a haya un golpi duro bou faha, mi ta para bek firme riba mi pianan.
Mi a wordo avisa di strategianan vies politico pero mi mester acepta cu di e estado cu si mi no a spera y tampoco premira.
Laga mi ta hopi cla y raspa Alan Howell hamas lo mishi cu un depchi di pueblo.
Mi kier a gradici mi tantisimo hendenan dushi cu sea a yama mi, cu a pasa cas, manda mensahenan positivo y spiritual, tur e oracionnan brinda na mi persona den nomber di Dios.
Un danki special pa mi suegra Maria Vrolijk cu a tuma e rol over como mi mama y por ultimo mi amazing family cu a sa di para duro y firme cu mi den e momento fastioso aki.
Mi abogadonan cu ta trahando incansabel pa nos mes presenta tur prueba nechi nechi manera debe ser.
Un cos ta sigur e strategia politico aki no ta bay traha pa stop un Homber manera mi pa sigui traha pa Aruba y muy special pa pariba di brug y San Nicolas.”
