Recurente e situacion di maltrato y of violencia domestico riba nos isla. Algo cu ta practicamente diario y cada biaha birando mas severo, cual ta e caso di e asistencia di awe na Rooi Bosal.
Awe mainta di 10:00AM, polis a presenta na un cas na Rooi Bosal unda un dama a yama pidiendo ayudo di polis pasobra cu e tabata golpia / maltrata.
Ora e promer patruya a yega sitio, a bin encontra un señora cu tabata wardando riba nan den e parkinglot di Winston Field Stadion. Un di dos patruya cu a yega a pone su vehiculo na tal manera, pa asina proteha e privacidad di e victima, mientras e otro polisnan tabata tuma e declaracion di e victima.
Un rato despues ambos patruya a dirigi nan mes na adres unda e supueste agresor tabata kedando. A papia basta largo cu un persona masculino cu na final, escorta pa polis, a subi su auto y a bay Warda di Polis na Macuarima. Aki e persona masculino a drenta warda riba propio boluntad, sigi pa e agentenan policial.
