Dialuna 30 di november lo tin otro Rosario Bibo na Kapel di Alto Vista cuminsando pa 7 or y mey di anochi.
Lo ta e prome dialuna den temporada di Advent, e temporada di preparacion pa binida di Hesus.
Cada persona por presenta su intencionnan personal sea den silencio of pa comparti cu otro.
Lo resa specialmente pa gradici pa tur bondad ricibi durante aña 2020 y tambe pa conforma cu e boluntad di Dios den casonan di tristesa.
Pa esnan cu a perde trabou, keda cu speransa cu temponan miho ta na caminda. Y cu apesar di tur tristesa, pa felicidad reina den cada cas di famia.
Ta pidi tur hende pa mantene distancia fisico, pero pa ta uni cu otro den oracion. Pues un invitacion general pa dialuna 30 di november pa 7 or y mey di anochi pa asisti na otro Rosario Bibo na Alto Vista.
